தெற்கு ஜப்பானில் 5.9 ரிக்டர் அளவிலான நிலநடுக்கம்
.jpg)
தெற்கு ஜப்பானில் இன்று (20) காலை உள்ளூர் நேரப்படி 11:46 மணியளவில் நிலநடுக்கம் ஏற்பட்டுள்ளது என தெரிவிக்கப்பட்டுள்ளது.
அமெரிக்க புவியியல் ஆய்வு மையத்தின் தகவலின்படி, இந்த நிலநடுக்கம் 50 கிலோமீட்டர் ஆழத்தில் 5.9 ரிக்டர் அளவில் பதிவாகியுள்ளது.
ககோஷிமா மாகாணத்தின் தெற்கு அமாமி பகுதியில் இந்த அதிர்வு உணரப்பட்டதாகவும், இதனால் சுனாமி எச்சரிக்கை எதுவும் விடுக்கப்படவில்லை என்றும் தெரிவிக்கப்பட்டுள்ளது.
சம்பவத்தால் உடனடி சேதம் அல்லது காயங்கள் ஏற்பட்டதாக இதுவரை தகவல்கள் இல்லை.
பசிபிக் நெருப்பு வளையத்தில் அமைந்துள்ள ஜப்பான், அடிக்கடி நிலநடுக்கங்கள் ஏற்படும் நாடாக அறியப்படுகிறது.
எனினும், கடுமையான கட்டிட விதிமுறைகள் மற்றும் முன்கூட்டிய எச்சரிக்கை அமைப்புகள் காரணமாக பெரும் உயிரிழப்புகள் தவிர்க்கப்பட்டு வருகின்றன.
தற்போது ஏற்பட்ட இந்த மிதமான நிலநடுக்கம் உடனடி பாதிப்பை ஏற்படுத்தாதபோதிலும், பின் அதிர்வுகள் ஏற்படக்கூடும் என்பதால் அதிகாரிகள் எச்சரிக்கையுடன் கண்காணித்து வருகின்றனர்.
