வவுனியா ஏ9 வீதியில் இரு வாகனங்கள் மோதுண்டு விபத்து!

வவுனியா (Vavuniya) ஏ9 வீதியில் நொச்சிமோட்டை பகுதியினை அண்மித்த பகுதியில் நேற்று (01.02) மதியம் இரண்டு வாகனங்கள் மோதுண்டு விபத்துக்குள்ளானதில் ஒருவர் காயமடைந்துள்ளார்.

கார் மீது வான் மோதியதிலேயே இவ்விபத்து இடம்பெற்றுள்ளதுடன் இவ்விபத்தில் காரின் சாரதி சிறு காயங்களுக்குள்ளாகியுள்ளமையுடன் கார் பகுதியளவில் சேதமடைந்துள்ளது.

விபத்து தொடர்பான மேலதிக விசாரணைகளை வவுனியா போக்குவரத்து பொலிஸார் முன்னெடுத்து வருகின்றனர்.